(((((( تصدق إشتقت لك ))))))

**مكسورة الحال** · 29-11-2007

تصدق ....اشتقتــــــــــــــــلك
انتظر بلهـفــــــــــــــة شوفتك
أتخيلك.....وأتأملك
وأسمع صدى ضحكتك
وأموت في صوت همستك
وأشوف لهفتك علي في نظرتك
وشوقك لي في لمستك
وأرجع وأقول اشتقتــــلك شوقي غريب يحيرك
ماأظن يسمونه شوق
هو في قوته أكبر من الموج
يحضن الصخر ويفتتــه
وأرجع أعود أتخيلك ياترى !! متى أقدر ..........
وأصرخ وأقول أعشقــك
ياترى بتحبني؟؟ وتصرخ وتقول أموت فيك
وأروح أنظم البيت وراه بيت

عذرا ..لا يمكنك مشاهده باقي المشاركة لأنك زائر ولم تدخل بيانات عضويتك ...
فإذا كنت مشترك مسبقا مع ساحات الغروب فقم بتسجيل دخول بعضويتك للمتابعة وإذا لم تكن فيمكنك تسجيل عضوية جديدة مجانا ً ( من هنا )

**قطرالندى** · 29-11-2007

اصعب انواع الشوق 00 هي ان تشتاق بصمت 00

جميل ما خطه قلمك 00

بليغ هو وصفك 00

رائع خيالك 00

دمت ودام قلمك 00

قطر الندى

**( @ المرهف @ )** · 29-11-2007

اقتباس:

المشاركة الأصلية كتبت بواسطة مكسورة الحال

لا ...ماأبي أتخيلك
أبي أشوفك وأعرفك
أبي أحسك وأفهمك
أبي وأبي... وأبي
وأرجع في نفسي أقول
شكلها بتطول غيبتــــك

كلام رائع ... يسلمو اختنا ( مكسورة الحال )

تحيتي لك من اخوك ( المرهف ) ...

**مكسورة الحال** · 29-11-2007

أشكر لكم مروركم الرائع وتسلمون تقبلوا تحياتي

**V.I.P** · 29-11-2007

خاطره جميله تنبض بالشوق كيف لا وعنوانها يصرح بالشوق ..

تسلم يمينك يالغاليه ..

مع تحيتي ..
أخــوك ..

**مكسورة الحال** · 30-11-2007

تسلم أخويv.i.p وتقبل تحياتي

**خـيـالــي** · 01-12-2007

رماني حظي العاثر عليك وجيت لـك طـلاب
ولا أنتي اللي عشقتيني ولا انتي اللي عتقتينـي

تعالي واعتقي ذاك الخفـوق المولـع المرتـاب
مهب لاجلي ، عشان الله يجازيـك ويجازينـي

تعدي في سما عشقي ولو عشقي خراب أصحاب
وصوني بالهوى نفسك قبل لا انتـي تصونينـي

وشيليني على متنك : خفوقٍ بـاريٍ منصـاب
ومن فوق الغرام العذب .. شيلينـي وحطينـي

ولا منك هقيتيني شجـاع ومـا يطيـق يهـاب
أنا لك بالهوى والله مثـل مـا انتـي هقيتينـي

أنا ما أمشي ورا غيرك ولو أنه يطـق البـاب
وترى عيبٍ عليّ أطعن..ولو كثرت سكاكينـي

زهودٍ مـا يطيـق الـدم لا دايـن ولا طـلاب
شجاع وعارفٍ نفسي وأظـن أنـك تعرفينـي

غيورٍ ماعرفت أضحك مع الغدر ببّرود أعصاب
أبيـع عيونـي الثنتيـن قبـل أنـك تخونينـي

إذا شد الغرام .. اترك خفوقي : بين ناب وناب
لفرقى تكسر ضلوعي .. ولا عشـقٍ يوطّينـي

أنا رجلٍ ولي غيره .. وإذا شفت الهوى كـذاب
تثـور بقلبـي الفزعـه ولا تهـدى شياطينـي

سؤالك لو يزعزع بي كياني ما قبلـت عتـاب
اجي لك وأسالك نفس السـؤال اللـي سألتينـي

عن العشق القديم أبواب .. تقفيها كثير أبـواب
بعد ذاك الحبيب اللي خدعنـي وانخـدع فينـي

أبي عشق تحسب له كل نظرات العيون حساب
وابي قلبٍ علي قلبي ، وابى دينٍ علـى دينـي

وابي نظرة عطا توفي ولا تخلف بدون أسبـاب
وابي منك قبل لا نتـي تصدينـي .. تودينـي

وابي دربٍ على العذال صعبٍ ومتعبٍ وغـلاب
وابي نفس الطريق الصعب يبعدهـم ويدنينـي

ترى لو للقلوب عيون ولدموع العيـون أهـداب
حشى ما تنزل الدمعـه لغيـرك لـو تركتينـي
مــمــنــــونـــــك

**مكسورة الحال** · 03-12-2007

أشكرك أخي خيالي على مرورك وتسلم يمناك