al_gannas ... هههههههههههههههههههههههه
والله ماعندي
سؤال في بالي الا هذا
مدري شلون جا
متزوج ولا لا
خوش سؤال يالقناص ..
وانا بصراحة ليس متزوج .. ويالله على يدك .. لو في ماراح نقصر ..
وخذ راحتك لو كنت حابب تسأل .. انت تسأل واحنا نجاوب >> هيا لايجيني واحد ويقلي اكمل الفراغ ولا صح ام خطأ..
س1 : يشن العالم حرباً ضارية على الإسلام والمسلمين وذلك عقب أحداث
الحادي عشر من سبتمبر ... أنت ومن خلال تواجدك في نيوزيلاندا ... كيف ترى
معاملتهم
للمسلمين هناك؟؟؟ وللعرب بصفة خاصة ؟؟؟
سؤال حلو جدا يا توأم .. وودي افصل هذا السؤال الى قسمين .. النظرة الى المسلمين والنظرة الى العرب ..
النظرة الى المسلمين : دولة نيوزيلاندا يوجد فيها جميع الديانات .. فنظرة النيوزيلانديين للمسلمين نظرة جدا طيبة .. بحيث الشعب النيوزيلاندي ماعندهم اي عنصرية في اي ديانة .. وأكبر دليل بوجد في مدينة (أوكلاند) مسجد وامامه كنيسة مباشرة .. ولاقيدي سمعت بأي مشكلة صارت بينهم... وبالعكس متفهمين ماهو الاسلام .. ونسبة المسلمين بنيوزيلاندا تعد بأكثر من 3% من سكان نيوزيلاندا ..
ومن ناحية احداث سبتمبر ... انا جيت لنيوزيلاندا بعد الاحداث بأربعة شهور .. وكنت خائف جدا على نفسي .. والحمدلله ماصار اي شيء ... وكمان ابشرك بأن الشعب النيوزيلاندي يكره شيء اسمه امريكي ... واخيرا النيوزيلانديين مالهم في السياسة ابدا .. وانا قيدي سألت كذا نيوزيلاندي (من هو رئيس وزراء نيوزيلاندا؟) .. قالولي بالحرف (لا أدري) ...
النظرة الى العرب : العرب (الخليجيين) غير متواجدون بكثرة ... لكن سنة بعد سنة بيزدادوا في (الصيفيات فقط لاغير) ... وبعد ماتنتهي الصيفية يصير مافي اي مخلوق عربي بالشارع ...
اقولها بالحرف الكير (العرب "السعوديين" فشلونا) ..
ياعمي في ناس اول مرة تطلع من بيتها ... في ناس قابلوا اجنبي يبوا يعربوا عليه .. كثير كثير جدا من العرب لايعرفوا كيف الغرب عاااايش ولا يعرفوا عاداتهم وتقاليدهم .. وانا اشبههم ب(العمالة الوافدة) اللي يجوا السعودية .. والله يخلف عليهم .. والمشكلة انهم كااااش ... وقال أنهم جايين يأخذوا كورس لغة .. والله مو داريين وين طريق معاهدهم ..
انا من ناحيتي ياتوأم ... مافي عربي موجود بنيوزيلاندا عارفني بأني عربي .. فوقت الصيفية (اتنكر بشخصيتي) ...
والنيوزيلانديين صراحة منزعجييين من العرب بشكل كبير مما يسببه العرب في دولتهم ...
اقتباس:
س2 : كلمة توجهها لطلابنا المبتعثين في الخارج ....
عندي كلام كثير لكن راح اختصره بهذه الجملة ..
لاتيأسوا .. نعم الغربة صعبة .. لكن الايام تمشي بسهولة ..
اللهم وفقهم ...
واذا كان ودك تدرس فأجلس في بلدك ... واذا كان ودك تتعلم اطلع برة واتعلم ..
اقتباس:
مع أمنياتي لك بالتوفيق والسداد
دمت بحفظ الله ورعايته
تسلم يالغالي على اسألتك الجيدة .. واسف لو طولت عليك .. و ماكتبته هو مجرد رأي شخصي مني انا ..
وعليكم السلام ورحمة الله ...
الحمدلله انا بخير ... بشرني انت كيف حالك؟ ... وايش اخبارك ؟
اقتباس:
السؤال الاول
من هو شاعرك المفضل ؟
الصراحة انا ماليا في الشعر ابدا ..
وتجربتي مع الشعر (النصوص والادب) على ايام المدارس كانت جدا سيئة .. واناا ما أفتكر الا (لاتخافي لاتخافي .. نحن ابطال المطافي )
لكن بعض الاحيان اكتب الشعر .. لكن الشعر الفكاهي فقط .. وممكن اختلقه في الحديث مع الناس ..
اقتباس:
السؤال الثاني
اي فريق يعجبك سواء محلي اوعالمي؟
فريق عالمي : بايرن ميونخ الالماني ..
منتخب عالمي : المانيا ..
فريق محلي : الهلال السعودي (بالرغم اني كنت الحارس الاساسي في شباب نادي الاهلي وتوقفت بسبب السفر وياسر المسيليم كان وقتها الحارس الثالث لشباب الاهلي من اصل اربعة حراس) ...
اقتباس:
بس
يعطيك العافية
لو عندك زيادة قول ...
الف شكر لك يالمهاجر على الاسئلة ..
جبروت امراة ... هلا والله انت المستضاف والله يلبقلك يا عم
المهم ابدا اناباسئلتي مع اني احس انك دائما
تتحركش باسم جبروت ههههههههههههههه
وان شاء الله ما تكون اسئلتي ثقيلة عليك الغالي
بسم الله ==== شو تذبحين خاروف
هلا والله بجبروت .. ويالله بسم الله نبدأ ..
اقتباس:
صديق عزيز عليك وحصل خلاف بينك وبينه وهو كان اصل
السبب والمشكلة برمتها هل تاخذ موقف منه او تعابته ومع الحذر
ام رفضه اطلاقا ؟
والله لو أعترف بغلطه .. وقتها راح امشيها ولا احسسه بأنه سوى شيء وراح انساله هيا ..
اما لو ما أعترف اعطيه فرصة لمدة قصيرة لاتزيد عن الاسبوع .. وقتها رغم غلطه اروح استسمح منه ... وكأن الغلط صادر مني .. (في ناس يغلطوا ولا يحسوا بأغلاطهم) ..
والحمدلله اني ماقيدي رفضت اي شخص في حياتي بسبب خلاف .. لكن العتاب مع الحذر طيب جدا ..
اقتباس:
2- مفهومك بشكل مختصر عن قوة شخصية المراة هل تناسب شخصيتك ؟
انا شخص هادي .. واحب في المرأة الهدوء والاتزان ..
فقوة شخصية المرأة على حساب الرجل (أكرهه) ... وصح اني تربيت على يد ناس شخصيتهم جدا قوية .. لكن اتمسك برأيي واقول اني لا أحب شخصية المرأة القوية ..
اقتباس:
3- الثياب المفضلة هل تحب السبورات او الزي الرسمي ؟
انا لي اربعة سنين مالبست الثوب والشماغ الا مرة واحدة ...
فلبسي كله (كاجوال) و (سبورات) ..
اقتباس:
4- اين تقضي اوقات الفراغ بما انك في بلد اوروبي؟
اوقات الفراغ ...
* الويك اند (عطلة نهاية الاسبوع) .. اكثر الاحيان احب السفر للتخييم ... طبعا دائما نطلع مع مجموعة طلاب ...
* بعض الاحيان اكون اضطر اني اشتغل بدوام جزئي .. يصير النهار كله دراسة .. ومن المغرب لليل شغل .. فأرجع على السرير نووووووم .. وقتها ما أعرف ايش معنى وقت الفراغ ..
اقتباس:
5- لو خيروك بين اللون الابيض او الاسود او الازرق
راح اخذ اللون الابيض ..
اقتباس:
واكتفي بهذا القدر وارجو ان لا اكون احرجتك باي سؤال
واتمنى لك التوفيق
تحياتي لك جبروت
ان شاء الله جاوبتك على اسألتك زي ما أنتي تبغي ... وبالعكس ما أحرجتينا ولا اي شيء ..
الف شكر لكي ياجبروت .. ولايحرمنا منك ..
أمـ الغروب ــير ... السلام عليكم ورحمة الله وبركاته
حيا الله سلطان ... نورت الاستضافة يا بعدهم
و ألف مبروك العضوية الشرفية .... تستاهل
حبيت أسلم عليك وأرحب فيك
مارح أتعبك كلها 20سؤال بس خخخخخخخخ
وعليكم السلام ورحمة الله وبركاته ...
نورت بنورك يالغلا .. والله يبارك فييك ..
بس عشرين .. ياعمي انت اسأل خمسين ماعليك ..
اقتباس:
1هل ندمت علي السفر وترك مكانك بالاهلي كحارس بعد ماريت المسليم حارس للمنتخب
وهو يعتبر احتياطي لك
انا كنت على يقين بان واحد على الاقل مننا (حراس الاهلي حين ذاك) راح يكون حارس للمنتخب في في المستقبل ...
وهذا هو قضاء الله وقدره ...
ومافي شيء قدامنا الا الدراسة حاليا ..
اقتباس:
2 لوترجع الفرصة تسافر أم تبقاء
لو جات الفرصة مرة اخرى اكيد راح ارجع .. بس اهم شيء اني اكون انسان متعلم اولا..
بس انا ليا من زمان على الكورة .. مدري لو مستوايا زي اول ولا كيف ..!
اقتباس:
3 موقف محرج لك بالخارج وموقف بالداخل
موقف محرج بالداخل ...
قبل سنة كان حضرت للسعودية لحضور ملكة لواحد من اخواني .. انا حضرت قبل الملكة ب ساعتين .. وقتها افتكرت اني حألبس شماغ وعقال وثوب .. فأخر مرة لبست ثوب ايام الثانوية .. قبل اربعة سنين .. فدبرت (بأستعجاااال كبير) شماغ وعقال وثوب من احد من اخواني ...
المهم وقت الملكة واحد يجيني من ورايا ويقلي ان ثوبك مقطوع من ورى ..
وقتها سحبت نفسي من الملكة ولبست كاجوال وجيت مرة ثانية ...
موقف محرج في الخارج ...
ايضا قبل ما أجي من نيوزيلاندا عشان احضر الملكة ...
الرحلة للسعودية كانت الساعة 9:45 (وقت الاقلاع) وانا تواجدت في المطار بساعة ونصف قبل الاقلاع واخذت (البوردينج باس) يصير بس اطلع الطيارة وخلاص ... المهم انا نسيت اشتري هدايا .. وجلست ادور في السوق اللي في المطار ليين ماصارت 9:40 .. وقتها جالسين ينادو على اسمي بأن اتوجه للبوابة الفلانية .. رحت البوابة وجالسين يقولولي بصراخ (انت فييييييينك من زمان؟) ... افتكر بأن المشوار طويل من البوابة الى الطيارة .. فجاتني بنت (مسؤلة في المطار وماسكة جهاز زي الجوال .. كبتن الطيارة يقلها حصلتووه؟ وتقله ايوه) صارت تقليتقلي اجري اجري وصارت تجري معايا عشان اجري .. وصلت الطيارة الساعة 9:45 .. الكبتن والسوبر فايزر حق الطيارة صاروا يطالعوا فيا نفسهم يضربوني .. ووقتها الطيارة اقلعت الساعة 9:55 بسببي ...
اقتباس:
4 موقف لاتنساه مفرح لك
كثيييير ولله الحمد ..
بس اللي أقدر افتكره ..
انه يوم من الايام حضرت لحفلة (المتفوقين) في حرم الجامعة اللي بأدرس فيها .. وهذا الحفل يصير كل ترم مرة واحدة .. المهم وهم جالسين يذيعوا اسماء الخمسة الاوائل في القسم (اكثر الاقسام طلاباً) اللي انا بأدرس فيه .. والا شوية نادوا اسمي .. طرت من الفرح وأفتكر اني بكيت من الفرح ..
اقتباس:
5 أغرب موقف حصل لك مع النواعم بما انك لاتحب السحالي
اغرب موقف صار لي مع السحالي .. ههههههه .. طيب راح اجاوب ...
اني يوم من الايام اشتغلت شغلة مؤقته وهي (اني اسوي اعلان لصالون نسائي) ...
مديرة المحل وصتني على عينة من الحريم (الشعور الطويلة) في الشارع لو شفتهم اعرض عليهم قصة شعر مجانية ... ونصورهم بعد القصة ونحط صورهم في كاتالوج المحل ليراه الزبائن ويسووا زيهم ..وأجيبهم معايا للصالون .. >>> مافي كلمة بعدين .. دحين يعني دحين ..
المهم في غضون ثلاثة ايام جبت للصالون اكثر من عشرة زبائن ... الموقف الغريب ان في اثنين من الزبائن اصبحوا عارضات ازياء(مودلز) لمحلات ملابس واعلاناتهم صارت تجي بالتلفزيون... وقتها حسيت بأني مكتشف مواهب .. هههههههه ..
اقتباس:
بالتوفيق وأنت مثال رأئع للشباب السعودي
أخوك
أمــــــــــ الغروب ــــــــــير
تسلم يالغالي .. واسف على الاطالة في اجوبتك ..
وتحياتي لك يالامير ..
اهلين بنوتة ..
جدا عادي .. لازحموني ولا اي شيء .. احنا منكم وفيكم ..
اقتباس:
(بالرغم اني كنت الحارس الاساسي في شباب نادي الاهلي وتوقفت بسبب السفر وياسر المسيليم كان وقتها الحارس الثالث لشباب الاهلي من اصل اربعة حراس)
شنو يعني ؟؟
كنت حارس مرمى ؟؟
ولاّ أنا فاهمهـ غلط ..
تقبّل مروري يا خيو وسؤالي
نعم يا أختي بنوتة .. كنت حارس بالاهلي في المرحلة السنية للشباب ..
معلومة : في كل نادي يتوفر هذه المراحل السنية للاعبين ..:
الاشبال , البراعم , الناشئين , الشباب , الفريق الاول (اللي تشوفونه بالتلفزيون) ..
وانا اصلا كنت لاعب في الناشئين (جودو) ايضا في النادي الاهلي .. (وللمعلومية يوجد واحد من اخواني لاعب جودو في النادي الاهلي وهو ايضا كبتن نادي الاهلي وكبتن المنتخب .. لكن اعتزل قبل ثلاثة سنين) .. اضغط هنا وركز على تاريخ 1419..
وقد تحولت الى شباب الاهلي لكرة القدم بعد اكتشافي من الكشافين اللي في داخل النادي..
اما من ناحية ياسر المسليم .. فهو حضر معانا في اواخر عهدي بالنادي .. وأفتكر انه وقع مع النادي الاهلي .. وجاء من المنطقة الشرقية .. وكنت على وشك التوقيع في النادي للدرجة الاولى بعد عدة شهور .. لكن مشيت بظروفها ..
اتمنى ان الصورة وضحت يابنوتة ..
الف شكر لكي على السؤال ..
..