هههههههههههههههههههههههههههه


طلعتوا حراميه وعندكم سوابق..

والله انا عندي مواقف كثيره ناسيتها..بس هذا اللي اذكره..

اذكر اول اسبوع من الدراسه بأول أبتدائي..الله بس على ذاك الاسبوع..والله اني حبيت المدرسه والدراسه من وسط قلبي والسبب ذيك الحلويات اللي يوزعونها علينا والمدرسات يلعبون معنا..

المهم..انا كنت جالسه على الكرسي مثل كل البنات والشنطه طبعا على الظهر..وفاضيه مافيها شئ..على شان اجمع الحلويات للبيت..استغفر الله..والله كنا مشافيح..اللي يشوفنا يقول ماشافوا خير..كل البنات كانوا مثلي ومطيرين عيونهم بالحلويات..المهم..مدري وش عطتني المدرسه وجلست اكله وخلص ومسكت القرطاس بيدي..وكان فيه مستخدمه توزع شئ انا كنت اموووت عليه..مااعرف اسمه..بي هو تحته بسكويت دائري وفوقه مثل العجين الابيض وفوقه الوان الزينه<<<هالالوان هي لاحسه مخها..

المهم وتمشي المستخدمه بالدور..وانا مبسوطه انها قربت مني..جتني المدرسه وقالت قومي حبيبتي ارمي القرطاس بالسله..وانا عيني على المستخدمه اللي قربت مني..قلت شوي بس<<انتظر حبيب القلب
قالت قومي الحين..<<والله ياهي نشبه بعد
قمت يابعد الدنيا انا وشنطتي ورميت القرطاسه وبسرعه رجعت لمكاني وجلست جلسه صحيه وتأدبت..والمستخدمه نطتني..لأني ماكنت موجوده..وانا اناظرها..ولسان حالي يقول تكفين عطيني<<تبطون عظم مع الاسلوب..

انا جاء على بالي اقوم للمستخدمه واقول ابغى من هذا اللي وزعتي لأنك ماعطيتيني..لكن امي بالبيت معطتني نصايح انواع واشكال وخليك مؤدبه و احترمي الكل ولاتوسخين المريول..وانها بتسأل المعلمه عني..عاد الشنطه مليانه من كل نوع..بس اللي احبه ماخذت منه..والبيت فيه انواع واشكال..بس حلويات المدرسه غييييييير..


والموقف الثاني كنت بسادس..وماشاء الله علي كنت دافوره والمعلمات يحبوني ولله الحمد..لأن كل بنات عمي دارسين قبلي بعشر سنين ووحده منهم كانت شاطره مؤدبه وخلاص كل المعلمات مسكوا على عايلتنا الادب والشطاره..المهم مره من المرارير رزيت خشتي وطلعت بالاذاعه بأنشوده..انا وصوتي الشجي..والمعلمات مره مستانسات..ومعلمة الاذاعه غايبه ذاك اليوم وفاتها صوتي.. وجت من بكره تدرسنا مطالعه..قالت تعالي انشدي اللي نشدتيها امس المعلمات يمدحونك..يؤيؤيؤ ياشين الاحراج..واطلع قدام الفصل وانشد<<والله ياعلينا حركات مبزره مدري وش تبي

اما المتوسط موقف لايمكن انسانه..قاهرني لليوم..

كان فيه مسابقه على مستوى المنطقه..وكل مدرسه ياخذون منها بنتين<<<طبعا لازم دوافير
المهم اختاروا مصريه لاإله إلا الله عليها..واختاروا محدثتكم المملوحه..
وكانت مسابقه للحديث الشريف..المهم قسمت بيني وبين المصريه الحفظ..وصميناه..

وكانت المسابقه بأحد المدارس..انا اول مره ادخل مسابقه كبيره كذا..بس الحمد لله اهلي شجعوني وقالوا ارفعي روسنا..خصوصا انها على مستوى المنطقه مو المدينه بس..
الحمدلله فزنا وطلعت مدرستنا الاولى تخيلوااا..ومعنا مدرسه ثانيه برضوا الاولى..

كنا مره فرحانين انا والطعميه اللي معي..ورجعنا للمدرسه نافخين صدورنا..كان بعد الفسحه..انا كنت استنى المديره تناديني و تبوس راسي على اللي سويته لهم<<جحدت المصريه

طبعا انا سهجوني ونادوا المصريه وشكروها..ورحت لفصلي وكان على اخر الحصه..والمدرسه تقول لي وين كنتي<<امحق استقبال..هي تدري اني مؤدبه وانا مو البنات اللي اهج عن الحصه..


وقلت لها السالفه..ولا اذكر انها قالت وش مركز مدرستنا بين مدارس المنطقه..
والمصريه مبسوطه ان المديره هنتها وقالت لها رفعتي راسنا يا مي..وانا يابعد الدنيا بالصندوق ومالي كرت..
رجعت للبيت وانا منقهررررررره..وابوي حلف علي ماشارك لهم بأي مسابقه..لا صاروا يقدرون الاجنبيه ويفضلونها على بنت البلد..
اخر السنه سوو حفله امهات..وقالواسمي وعطوني هديه تفشل..

بعد فتره صار مشكله وكذا...وامي اتصلت عليهم ومسحت بخشة المديره البلاط..
وذكرتها باسالفه وان بنت البلد مالها كرت..واني تحطمت نفسيا..وحلفت مااشارك..
هي ماتدري وش تقول..بس مشت السالفه..واهم شئ اني امي ردت لي اعتباري قدام اكبر راس بالمدرسه..


اما بالثانوي الحمدلله..كانوا يقدرون الشاطره ومايفرقون بينها وبين الاجنبيه..ويكرمونا دايم بالطابور الصباحي قدام الخلق..

وهذا اللي اذكره..لأن ذاكرتي ميييييييييح..وانسى عشاي البارح