د. حسان موريا

بعد اذن الجميع::

===================

هذا ما يمسمى بالقولون العصبي
irritable bowel syndrome

ماهو مرض عضوي( يعني مافي تحليل مخبري يشخص المرض وبالتالي نشخصه بالفطرة والفهلوة واستبعاد بقية الامراض)...يكثر مع سن الشباب.



المرض هذا للاسف مؤلم ويلعب بحسبة الواحد وماهو خطير وما يؤدي الى سرطان او شئ خطير الحمدلله.

المرض هذا يجي بطريقتين::
يوم امساك ويوم اسهال...او اياااام امساك وبالتالي البطن تنتفخ وتليها اسهال.

مكان الالم حق القولون العصبي:::
مافي مكان معين..لكن اغلبية المرضى بيشتكو من الم بطني في كل انحاء البطن,,والبعض يكون ماسك معاهم تحت السرة وفوق منطقة المثانة.

كتجربة شخصية مع المرض هذا::

لحد يتخبط ويأخد ادوية كثيرة له..لانه مافي داعي::

اذن ايش المفروض نسوي::

نعود نفسنا مع الضيف التقيل دا ونتعايش معاه ونهيأ الجو.

يعني نغير من طبيعية حياتنا وسلوكنا ونخفف الضغط والتوتر على نفسنا.
اكل الاشياء يلي فيها الياف( فايبرز) زي الخضروات يلي لونها اخضر وسلطات.

بعض الناس يفضلو اشياء من الصيدلية::
في حبيبات ليفية::: granular fibers
طبعا هذي حبيبات تنسف وتقوي جدار الامعاء وبالتالي يتحسن الوضع.

الشئ الاخر::
تغير نمط الاكل..مهم جدا...تغير اكل الدهون والاكلات السريعة..واللجؤ الى الاشياء المسلوقة والخضروات.

مرضى قولون العصبي::: يشتكو بعض الاحيان من سرعة التبول وحرقة..ويحسو بحموضة عند صدرهم والدنيا بتلعب جهة المرئ.

اذن عشان كدا بنقول لازم نغير طبيعية اكلنا وسلوكنا...حتى وجبة العشاء نخليها قبل النوم ساعتين اقل شئ.

يعني اذا انت تنام الساعة 12..اتعشى الساعة 9 ونص وهكذا.

مشكلة القولون العصبي انه يعمل امساك مزمن..وهذا ممكن يعمل شرخ في نطقة الشرج وبالتالي حتطلع دمان واشياء مؤلمة.

مهم جدا ليا انا كطبيب اني راجع واشوف ميض القولون العصبي بين فترة وفترة عشان اتأكد من التشخيص وعشان اطمن المريض.

لمن المريض يخرج دم من تحت..لازم استبعد حكاية الشرخ والسرطان والامراض الالتهابية القولونية المتقرحة.

نقطة جدا مهمة لمريض القولون انه ::
وزنه ما ينقص..طبيعي.

==========
نصيحتي الاخيرة:: شوف الالياف من الصيديلية..هيا حبيبات سوداء واستخدمها مرتين في اليوم وبشرينا والف سلامة