د. حسان موريا

اشكر مشرفين الموقع على حسن الاستضافة واسال الله تعالى انه يلهم الجميع بالصبر والعافية والاجر على ذلك.

الله المستعان.

الله يكتب الصبر والاجر على اهل المريض وكذلك المريض ذاته.
احنا هنا في الموقع مو عشان ارص لكم اجوبة ممكن تجدوها في النت..ان شاالله اغطي النواحي النفسية والواقعية يلي ممكن لو عرف حلولها اي شخص راح تتسهل له عدة طرق.

الذئبة الحمراء::: كما يسمى ب
SLE
مرض وراثي مناعي.

ماهو زي مرض الانيما المنجلية او انيميا البحر المتوسط بحيث انه اكتر من اخو واخت ينشاف فيهم المرض,
اذن الذئبة في النادر اننا نشوف الشئ دا في نفس العائلة الصغيرة.
لكن من خلال اسئلتنا لنفس العائلة..لربما نجد المرض دا في العمة او الجدة او الخالة او الاجداد القدماء.

المرض دا يكثر عند النساء وفي سن الشباب من العمر.

يعني من ال 15 سنة وهكذا,

اعراضه الاولية يلي تخلي اي طبيب مو مرتاح ولازم يبحث ويدور ويخاف على مريضه::

تكررررررر الالم في المفاصل في اليد مع سخونة.
دحين الناس حيقولو كثير ناس تجيهم سخونة ومفاصلهم تألمهم !!!
حطو خط تحت كلمة متكرررررة وما تستجيب للمسكنات التي بتستخدم بكثرة.

يلاحظ كمان وجود بقعة حمراء على منصقة الخدين متصلة فوق حاجز الخشم...زي شكل الفراشة.

مشكلة المرض دا انه ضيف ثقيل وفيه معاناة شديدة طويلة المدى::
محتمل انه المريض يصاب بأمراض في العقل كالجنون والعصبية والتشجنات.
كمان المفاصل نفسها تتأكل ويصير شكل الاصابع غريب نوعا ما.

كمان الكلى تتأثر وممكن يصير في ضغط ومشاكل في الكلى وويتبول دم.

كمان اسقاط الحمل المتكرر مع الصداع النصفي وجلطات الدم.

حاجة جدا مهمة ويلي تخلي معظم المرضى يجو المستشفى انه::
تجي لهم التهابات في الصدر ويكون عند المريضة ضيق في النفس مع حرارة وبلغم وهكذا.

لازم المريض ينشاف من البداية ونسيطر على الاعراض من البداية عشان يقدر يعيش حياته...لكن لازم نفهم الاهل انه لازم تكيفو نفسكم مع الحالة هذي وتعيشو معاه وتتحملو كل شئ ولا ينخرب بيتكم بسبب المرض دا.

متوقع انه تجي المستشفى كثير وتراجع العيداة كثير..ومتوقع جدا تشترو ادوية غالية جدا ومضاعفات الادية كمان كثيرة:::
زي زيادة الوزن والسكر والضغط ووجود شعر في منطقة الوجه( شنب عند الحرمة) والرقبة ومتوقع انه وجهها يتنفخ ويصير مدور.

كمان نلاحظ تشققات في بطنها زي حقت الحوامل وهكذا.


الادوية يلي تستخدم::
المسكنات..الكورتزيون..مثبطات المناعة.

اذا تحب اعطي معلومات عن الادوية فأنا مستعد.

خبرتي البسيطة في موضوع الذئبة::

شفت اكثر من 30 حالة خلال 3 سنين...حالتين كانو رجال شباب.

نصهم الحريم كانو في عمر 17 والباقي فوق عمر ال 25 سنة.

مرض نادر..لكنه ثقيل دم وابتلاء...يمكن السيطرة عليه وان شاءالله متناول اذا الله تعالى امر بالشفاء والرحمة ثم متابعة المريض اول بأول والتشخيص السريع.


اهم نقطة::: موضوع تحمل الاهل وعدم تخريب البيت..لانه والله شئ جدا مذري ومتعب..لكن شفت عائلات متعاونين وفي احسن حالة بل افضل مني في العيشة وعايشين حياتهم.